രഞ്ജി ട്രോഫിയിൽ ആസാമിനെതിരെ കേരളം ആദ്യ ഇന്നിംഗ്സ് ലീഡിലേക്ക്. മൂന്നാം ദിനം കളി അവസാനിക്കുമ്പോൾ ആസാം 231-7 എന്ന നിലയിലാണ്. ഇപ്പോഴും ആസാം കേരളത്തിന്റെ ആദ്യ ഇന്നിംഗ്സ് സ്കോറിന് 188 റൺസ് പിറകിലാണ്. നാളെ അവസാന ദിവസം ആദ്യ സെഷനിൽ തന്നെ ആസാമിനെ എറിഞ്ഞിടുക ആകും കേരളത്തിന്റെ ലക്ഷ്യം.
ഇന്ന് റയാൻ പരാഗ് പിടിച്ചു നിന്നതാണ് കേരളത്തിന് തറടസ്സമായത്. പരാഗ് 125 പന്തിൽ നിന്ന് 116 റൺസ് എടുത്തു. 16 ഫോറും 3 സിക്സും അടങ്ങുന്നതായിരുന്നു പരാഗിന്റെ ഇന്നിംഗ്സ്. കേരളത്തിനായി ബേസിൽ തമ്പി നാലു വിക്കറ്റും ജലജ് സക്സേന 2 വിക്കറ്റും വീഴ്ത്തി. ഇന്നലെ കേരളം ആദ്യ ഇന്നിംഗ്സിൽ 419 റൺസ് എടുത്തിരുന്നു.