നിധീഷിന് 5, ബേസിൽ തമ്പിയ്ക്ക് 4, ഗുജറാത്ത് 388 റൺസിന് ഓൾഔട്ട്

രഞ്ജി ട്രോഫിയിൽ ഗുജറാത്തിനെതിരെ കേരള ബൗളര്‍മാരുടെ ശക്തമായ തിരിച്ചുവരവ്. രണ്ടാം ദിവസം 334/6 എന്ന നിലയിൽ പുനരാരംഭിച്ച ശേഷം ഗുജറാത്തിനെ 388 റൺസിന് ഓള്‍ഔട്ട് ആക്കുകയായിരുന്നു കേരളം.

ഹെത് പട്ടേൽ 185 റൺസ് നേടി പുറത്തായപ്പോള്‍ കേരളത്തിനായി നിധീഷ് എംഡി 5 വിക്കറ്റും ബേസിൽ തമ്പി നാല് വിക്കറ്റും നേടി. ഇന്നലെ 33/4 എന്ന നിലയിലേക്ക് തകര്‍ന്ന ശേഷം ഹെത് പട്ടേൽ – കരൺ പട്ടേൽ കൂട്ടുകെട്ടാണ് ഗുജറാത്തിനെ മത്സരത്തിലേക്ക് തിരികെ എത്തിച്ചത്.