ചായയ്ക്ക് ശേഷം മത്സരം പുനരാരംഭിച്ചപ്പോള് മധ്യ പ്രദേശ് കാത്തിരുന്ന വിക്കറ്റുമായി സാരന്ഷ് ജെയിന്. കേരളത്തിന്റെ നായകനും വിഷ്ണു വിനോദിനൊപ്പം ടീമിനെ ലീഡിലേക്ക് നയിച്ച സച്ചിന് ബേബിയുടെ വിക്കറ്റാണ് കേരളത്തിനു നഷ്ടമായത്. 143 റണ്സ് നേടിയ ശേഷം സച്ചിന് പുറത്താകുമ്പോള് കേരളത്തിന്റെ സ്കോര് 299 റണ്സായിരുന്നു.
ഏഴാം വിക്കറ്റില് 199 റണ്സാണ് കേരളം നേടിയത്. സച്ചിന് ബേബി പുറത്തായ ശേഷം തന്റെ കന്നി ഫസ്റ്റ് ക്ലാസ് ശതകം പൂര്ത്തിയാക്കുവാന് വിഷ്ണു വിനോദിനു സാധിച്ചു. 149 പന്തില് നിന്നാണ് വിഷ്ണു വിനോദ് തന്റെ ശതകം നേടിയത്. 80 ഓവറുകള് പിന്നിടുമ്പോള് കേരളം 307 റണ്സാണ് നേടിയിട്ടുള്ളത്. 42 റണ്സിന്റെ ലീഡാണ് കേരളത്തിനുള്ളത്.
വിഷ്ണു വിനോദിനൊപ്പം(102*) അക്ഷയ് കെസി ഒരു റണ് നേടി ക്രീസില് നില്ക്കുന്നു.