കേരളത്തെ പ്രതിരോധത്തിലാക്കി കുല്‍ദീപ് സെന്‍, നാല് വിക്കറ്റ് നഷ്ടം

Sports Correspondent

Download the Fanport app now!
Appstore Badge
Google Play Badge 1

ടോസ് നേടി ബാറ്റിംഗ് തിരഞ്ഞെടുത്ത കേരളത്തിന്റെ തീരുമാനത്തിനു തിരിച്ചടി നല്‍കി കുല്‍ദീപ് സെന്‍. തന്റെ അടുത്തടുത്ത ഓവറുകളില്‍ ജലജ് സ്ക്സേനയെയും രോഹന്‍ പ്രേമിനെയും പുറത്താക്കിയാണ് കുല്‍ദീപ് സെന്‍ കേരളത്തെ ഞെട്ടിച്ചത്. ഈ സീസണിലും കഴിഞ്ഞ സീസണിലും മികച്ച ഫോമിലുള്ള ജലജ് സ്ക്സേനയെ നഷ്ടമായത് കേരളത്തിനു കനത്ത പ്രഹരമാണ്. ഏറെ വൈകാതെ ഓപ്പണര്‍ അരുണ്‍ കാര്‍ത്തിക്കിനെയും കുല്‍ദീപ് രാംപാല്‍ സെന്‍ പുറത്താക്കി.

10 ഓവറുകള്‍ പിന്നിടുമ്പോള്‍ കേരളം 4 വിക്കറ്റ് നഷ്ടത്തില്‍ 14 റണ്‍സാണ് നേടിയിട്ടുള്ളത്. അവേശ് ഖാന്‍ സഞ്ജുവിനെയും പുറത്താക്കി കേരളത്തിന്റെ കാര്യം കൂടുതല്‍ പരിതാപകരമാക്കുകയായിരുന്നു.

22 വയസ്സുകാരന്‍ കുല്‍ദീപ് ഈ സീസണിലാണ് മധ്യ പ്രദേശിനു വേണ്ടി ഫസ്റ്റ് ക്ലാസ് അരങ്ങേറ്റം നടത്തിയത്. തമിഴ്നാടിനെതിരെയായിരുന്നു അരങ്ങേറ്റ മത്സരം. നവംബര്‍ 1നു അരങ്ങേറ്റം നടത്തിയ താരം നവംബര്‍ 21നു പഞ്ചാബിനെതിരെ തന്റെ ആദ്യ അഞ്ച് വിക്കറ്റ് നേട്ടവും ആഘോഷിച്ചിരുന്നു.