നിതീഷ് റാണയ്ക്ക് ശതകം, മത്സരം സമനിലയില്‍ അവസാനിച്ചു, കേരളത്തിന് മൂന്ന് പോയിന്റ്

Sports Correspondent

Download the Fanport app now!
Appstore Badge
Google Play Badge 1

കേരളവും ഡല്‍ഹിയും തമ്മിലുള്ള രഞ്ജി ട്രോഫി മത്സരം സമനിലയില്‍ അവസാനിച്ചു. 125 റണ്‍സ് നേടിയ കുണാല്‍ ചന്ദേലയ്ക്കും 114 റണ്‍സ് നേടിയ നിതീഷ് റാണയും നടത്തിയ ചെറുത്ത് നില്പാണ് ഡല്‍ഹിയ്ക്ക് തുണയായത്. അനുജ് റാവത്ത് 87 റണ്‍സ് നേടി. മത്സരത്തില്‍ ഒന്നാം ഇന്നിംഗ്സ് ലീഡ് നേടിയതിനാല്‍ കേരളത്തിന് 3 പോയിന്റും ഡല്‍ഹിയ്ക്ക് ഒരു പോയിന്റുമാണ് ലഭിച്ചത്.

രണ്ടാം ഇന്നിംഗ്സില്‍ 395/4 എന്ന നിലയില്‍ നില്‍ക്കവെയാണ് മത്സരം സമനിലയില്‍ അവസാനിപ്പിക്കുവാന്‍ ടീമുകള്‍ തീരുമാനിച്ചത്. കേരളത്തിനായി ജലജ് സക്സേന രണ്ടും സന്ദീപ് വാര്യര്‍, സച്ചിന്‍ ബേബി എന്നിവര്‍ രണ്ടാം ഇന്നിംഗ്സില്‍ ഓരോ വിക്കറ്റും നേടി.

ജോണ്ടി സിദ്ധു(30*), ലളിത് യാദവ്(13*) എന്നിവരാണ് ഡല്‍ഹിയ്ക്കായി ക്രീസില്‍ നിന്ന് അവസാന ഓവറുകളെ അതിജീവിച്ചത്.