നിയന്ത്രണങ്ങളോടെ ഷമിയ്ക്ക് കേരളത്തിനെതിരെ കളിയ്ക്കാം

- Advertisement -

വരുന്ന ചൊവ്വാഴ്ച കേരളത്തിനെതിരെ രഞ്ജി ട്രോഫി മത്സരത്തില്‍ ബംഗാളിനു വേണ്ടി മുഹമ്മദ് ഷമിയ്ക്ക് കളിയ്ക്കുവാന്‍ അനുമതി നല്‍കി ബിസിസിഐ. എന്നാല്‍ എലൈറ്റ് ഗ്രൂപ്പ് ബി മത്സരത്തില്‍ കേരളത്തിനെതിരെ കളിയ്ക്കുമ്പോള്‍ ഷമിയ്ക്ക് മേല്‍ നിയന്ത്രണങ്ങള്‍ ബോര്‍ഡ് ഏര്‍പ്പെടുത്തിയിട്ടുണ്ട്. ഓസ്ട്രേലിയയ്ക്കെതിരെ ടെസ്റ്റ് പരമ്പരയ്ക്കുള്ള ടീമില്‍ അംഗമായ ഷമിയുടെ വര്‍ക്ക് ലോഡ് നിയന്ത്രിക്കുന്നതിന്റെ ഭാഗമായാണ് ഈ നിയന്ത്രണം.

ഒരിന്നിംഗ്സില്‍ 15 ഓവറുകള്‍ വരെ മാത്രമേ താരത്തിനു എറിയാനാകുള്ളുന്നുവെന്ന ഉപാധിയാണ് ബോര്‍ഡ് നടപ്പിലാക്കിയിരിക്കുന്നത്. കൂടി വന്നാല്‍ രണ്ടോ മൂന്നോ ഓവറുകള്‍ മാത്രം അധികം എറിയുവാനുള്ള അനുമതിയാണ് താരത്തിനുള്ളത്. ബംഗാള്‍ ടീം മാനേജ്മെന്റിനോട് ഷമിയുടെ ഫിറ്റ്‍നെസ് സംബന്ധിച്ച് ദിനം പ്രതിയുള്ള റിപ്പോര്‍ട്ട് ബോര്‍ഡിന്റെ ഫിസിയോയ്ക്ക് കൈമാറുവാനും ബോര്‍ഡ് നിര്‍ദ്ദേശിച്ചിട്ടുണ്ട്.

Advertisement