രഞ്ജി ട്രോഫിയ്ക്കുള്ള ടീമുകളുടെ സ്ക്വാഡിൽ 20 പേരാവാം എന്ന് അറിയിച്ച് ബിസിസിഐ. ഇതിന് പുറമെ 2 കോവിഡ് റിസര്‍വ് താരങ്ങള്‍ക്കും ഇടം നല്‍കാം. സപ്പോര്‍ട്ട് സ്റ്റാഫ് ഉള്‍പ്പെടെ ടീമിൽ 30 പേരിൽ കൂടുതൽ ആകുവാന്‍ പാടില്ലെന്നും ബിസിസിഐ നിര്‍ദ്ദേശിച്ചു.
ഫെബ്രുവരി 17ന് രഞ്ജി ട്രോഫി മത്സരങ്ങള്‍ നടക്കും. ടീമുകളെല്ലാം ഫെബ്രുവരി 10ന് മത്സരവേദിയിലെത്തണമെന്നും 5 ദിവസം ക്വാറന്റീനിൽ കഴിയണമെന്നും ആവശ്യപ്പെട്ടിട്ടുണ്ട്.
കട്ടക്, രാജ്കോട്ട്, ചെന്നൈ, അഹമ്മദാബാദ്, തിരുവനന്തപുരം, ഡല്‍ഹി, ഹരിയാന, ഗുവഹാട്ടി, കൊൽക്കത്ത എന്നിവിടങ്ങളിലാണ് രഞ്ജി മത്സരങ്ങള്‍ നടക്കുന്നത്.
