150 റൺസ് നേടി അക്ഷയ് ചന്ദ്രന്‍, 475 റൺസ് നേടി കേരളം

Sports Correspondent

Download the Fanport app now!
Appstore Badge
Google Play Badge 1

ജാര്‍ഖണ്ഡിനെതിരെ രഞ്ജി ട്രോഫി മത്സരത്തിൽ മികച്ച സ്കോര്‍ നേടി കേരളം. മത്സരത്തിന്റെ രണ്ടാം ദിവസം അക്ഷയ് ചന്ദ്രന്‍ – സിജോമോന്‍ ജോസഫ് കൂട്ടുകെട്ടാണ് കേരളത്തിനെ കൂറ്റന്‍ സ്കോറിലേക്ക് നയിച്ചത്. അക്ഷയ് 150 റൺസ് ഇന്നിംഗ്സിലെ അവസാന വിക്കറ്റായാണ് പുറത്തായത്.

സിജോമോന്‍ 83 റൺസും നേടിയപ്പോള്‍ 146.4 ഓവറിലാണ് കേരളം 475 എന്ന സ്കോര്‍ നേടിയത്. 171 റൺസാണ് അക്ഷയ് – സിജോമോന്‍ കൂട്ടുകെട്ട് നേടിയത്. ജാര്‍ഖണ്ഡിനായി ഷഹ്ബാസ് നദീം അഞ്ച് വിക്കറ്റ് നേടി.