മുൻ ഇന്ത്യൻ താരം സുരേഷ് റെയ്ന ഇന്ത്യൻ ടീമിലേക്ക് തിരിച്ചെത്തുമെന്ന് മുൻ ഇന്ത്യൻ താരം അമ്പാട്ടി റായ്ഡു. റെയ്നയിൽ ഇനിയും ഒരുപാട് ക്രിക്കറ്റ് ബാക്കിയുണ്ടെന്നും അത്കൊണ്ട് തന്നെ താരം ഇന്ത്യൻ ടീമിലെത്തുമെന്നാണ് തന്റെ വിശ്വാസമെന്നും റായ്ഡു പറഞ്ഞു. ചെന്നൈ സൂപ്പർ കിങ്സിന്റെ ഇൻസ്റ്റാഗ്രാം അക്കൗണ്ടിൽ സംസാരിക്കുകയായിരുന്നു റായ്ഡു.
ചെന്നൈ സൂപ്പർ കിങ്സ് ബാറ്റ്സ്മാനായ സുരേഷ് റെയ്ന ഐ.പി.എല്ലിനായി മികച്ച ഫോമിൽ ആയിരുന്നെന്നും ഈ വർഷം നടക്കുന്ന ഇന്ത്യൻ പ്രീമിയർ ലീഗിൽ മികച്ച പ്രകടനം പുറത്തെടുത്ത് സുരേഷ് റെയ്നക്ക് ഇന്ത്യൻ ടീമിൽ സ്ഥാനം നേടാൻ കഴിയുമെന്നും റായ്ഡു പറഞ്ഞു.
റെയ്നയെ തനിക്ക് തന്റെ 16മത്തെ വയസ്സ് മുതൽ അറിയാമെന്നും ചെന്നൈ സൂപ്പർ കിങ്സ് പരിശീലന ക്യാമ്പിലെ പരിശീലനം തനിക്ക് പഴയ കുറച്ചു ഓർമ്മകൾ തിരികെ നൽകിയെന്നും റായ്ഡു പറഞ്ഞു.