തന്റെ കന്നി ടി20 ശതകം നേരിയ വ്യത്യാസത്തിനാണ് അഫ്ഗാനിസ്ഥാന് ഓപ്പണര് റഹ്മാനുള്ള ഗുര്ബാസിന് നഷ്ടമായത്. താരം 45 പന്തില് 87 റണ്സ് നേടി പുറത്താകുകയായിരുന്നു. തനിക്ക് ഈ ടി20 ശതകം നഷ്ടമായതില് സങ്കടമുണ്ടെങ്കിലും തന്റെ സമയം ഉടന് വരുമെന്ന് വിശ്വസിക്കാനാണ് താന് ഇഷ്ടപ്പെടുന്നതെന്ന് ഗുര്ബാസ് പറഞ്ഞു.
എല്ലാ താരങ്ങളുടെയും പോലെ തന്റെയും ആഗ്രഹമായിരുന്നു ടി20 ശതകമെന്നും അതിന് തൊട്ടടുത്തെത്തി കൈവിട്ടതില് സങ്കടമുണ്ടെന്ന് പറഞ്ഞ ഗുര്ബാസ് എന്നാല് തനിക്ക് ഇനിയും അവസരം ലഭിയ്ക്കുമെന്നാണ് പറഞ്ഞത്. ടീമിനായി റണ്സ് കണ്ടെത്തി തന്നെ ഏല്പിച്ച ദൗത്യം പൂര്ത്തിയാക്കുവാനായതില് സന്തോഷമുണ്ടെന്നും അഫ്ഗാനിസ്ഥാന്റെ വിക്കറ്റ് കീപ്പര് ബാറ്റ്സ്മാന് പറഞ്ഞു.