ടി20യിലെ ഒന്നാം നമ്പർ ബൗളറായ റാഷിദ് ഖാൻ ബിഗ് ബാഷ് ലീഗ് (ബിബിഎൽ) ബഹിഷ്കരിക്കുമെന്ന ഭീഷണി പിൻവലിച്ചു. ടൂർണമെന്റിന്റെ ഏഴാം പതിപ്പിൽ പങ്കെടുക്കാനുള്ള തന്റെ ആഗ്രഹത്തെക്കുറിച്ച് റാഷിദ് ബിബിഎൽ അധികൃതരെ അറിയിച്ചതായി ക്രിക്കറ്റ് ഡോട്ട് കോം ഓസ്ട്രേലിയ റിപ്പോർട്ട് ചെയ്യുന്നു.
മനുഷ്യാവകാശ പ്രശ്നങ്ങൾ കാരണം അഫ്ഗാനിസ്ഥാനെതിരായ വൈറ്റ്-ബോൾ പരമ്പരയിൽ നിന്ന് പിന്മാറാനുള്ള ഓസ്ട്രേലിയയുടെ തീരുമാനത്തിൽ പ്രതിഷേധിച്ച് 2023 ജനുവരിയിൽ ബിബിഎൽ ബഹിഷ്കരിക്കുമെന്ന് റാഷിദ് ഖാൻ പറഞ്ഞിരുന്നു. അഫ്ഗാനിലെ താലിബാൻ ഭരണകൂടത്തിന്റെ മനൂഷ്യാവകാശ ലംഘനങ്ങൾ ചൂണ്ടിക്കാണിച്ചായിരുന്നു ഓസ്ട്രേലിയ പരമ്പര ഒഴിവാക്കിയത്.
ബിഗ് ബാഷിൽ അഡ്ലെയ്ഡ് സ്ട്രൈക്കേഴ്സിന്റെ സ്ഥിരം താരമായ റാഷിദ് ഖാൻ പുതിയ സീസണിലും അഡ്ലെയ്ഡിനായി കളിക്കാൻ ആണ് സാധ്യത.