ഇന്ത്യയെ ഇന്ഡോറിൽ രണ്ടാം ഇന്നിംഗ്സിൽ തകര്ത്തെറിഞ്ഞത് എട്ട് വിക്കറ്റ് നേടിയ നഥാന് ലയൺ ആണ്. 59 റൺസ് നേടിയ ചേതേശ്വര് പുജാര മാത്രമാണ് ഇന്ത്യന് നിരയിൽ ചെറുത്തുനില്പുയര്ത്തിയത്. എന്നാൽ താരത്തെയും ലയൺ തന്നെ പുറത്താക്കുകയായിരുന്നു. ചേതേശ്വര് പുജാരയെ വാനോളം പുകഴ്ത്തുവാന് ലയൺ എന്നാൽ മറന്നില്ല.
ഗാബയിലെ ബൗൺസ് ആയാലും ഇന്ഡോറിലേ ടേൺ ആയാലും ഇതിലൊന്നും തകരാത്ത പോരാളിയാണ് ചേതേശ്വര് എന്നും അവിശ്വസനീയമായ ക്രിക്കറ്റര് എന്നാണ് താന് അദ്ദേഹത്തെ വിശേഷിപ്പിക്കുക എന്നും ലയൺ കൂട്ടിചേര്ത്തു.
രണ്ടാം ദിവസത്തെ കളിയ്ക്ക് ശേഷമുള്ള പ്രസ് കോൺഫറന്സിലാണ് നഥാന് ലയൺ ഇക്കാര്യം അറിയിച്ചത്. ടെസ്റ്റ് ക്രിക്കറ്റ് എന്നാൽ പ്രതിരോധമാണെന്നും ചേതേശ്വര് പുജാരയുടെ പ്രതിരോധം വേറെ ലെവൽ ആണെന്നും ലയൺ പറഞ്ഞു.
ലെഗ് സ്ലിപ്പിൽ മികച്ചൊരു ക്യാച്ചിലൂടെ സ്റ്റീവന് സ്മിത്താണ് നഥാന് ലയണിന് ചേതേശ്വര് പുജാരയുടെ വിക്കറ്റ് നേടുവാന് സഹായിച്ചത്.