വിന്‍ഡീസ് ഏകദിന ടീമിലേക്ക് വിളിയെത്തിയതിനെത്തുടര്‍ന്ന് മുല്‍ത്താന്‍ സുല്‍ത്താന്‍സിനു വേണ്ടി കളിക്കാന്‍ കഴിയാത്ത വെടിക്കെട്ട് ബാറ്റിംഗ് താരം നിക്കോളസ് പൂരനു പകരക്കാരനെ കണ്ടെത്തി മുല്‍ത്താന്‍ സുല്‍ത്താന്‍സ്. മറ്റൊരു വിന്‍ഡീസ് താരവും ടി20 ലീഗുകളില്‍ സ്ഥിരം സാന്നിധ്യമായ ജോണ്‍സണ്‍ ചാള്‍സിനെയാണ് ഫ്രാഞ്ചൈസി ടീമിലെത്തിച്ചിരിക്കുന്നത്. 2012, 2016 വര്‍ഷങ്ങളില്‍ ലോക ടി20 കിരീടം നേടിയ വിന്‍ഡീസ് സംഘത്തിലെ അംഗമാണ് ചാള്‍സ്.
ടി20 ക്രിക്കറ്റിലെ മികച്ച പ്രകടനമാണ് നിക്കോളസ് പൂരനെ ഏകദിന ടീമിലേക്ക് എത്തിച്ചത്. ഐപിഎലില്‍ കിംഗ്സ് ഇലവന്‍ പഞ്ചാബാണ് താരത്തെ സ്വന്തമാക്കിയിരിക്കുന്നത്. പാക്കിസ്ഥാന്‍ സൂപ്പര്‍ ലീഗില്‍ മുമ്പ് ക്വേറ്റ ഗ്ലാഡിയേറ്റേര്‍സിനു വേണ്ടി കളിച്ചിട്ടുള്ള താരമാണ് ജോണ്‍സണ്‍ ചാള്‍സ്. വിക്കറ്റ് കീപ്പറുടെ റോള്‍ കൂടി വഹിക്കുന്ന താരമാണ് ജോണ്‍സണ്‍ ചാള്‍സ്.
ഫെബ്രുവരി 15നു ടൂര്‍ണ്ണമെന്റിന്റെ രണ്ടാം ദിവസമാണ് മുല്‍ത്താന്‍ സുല്‍ത്താന്‍സിന്റെ ആദ്യ മത്സരം. ദുബായിയില്‍ കറാച്ചി കിംഗ്സ് ആണ് ടീമിന്റെ എതിരാളികള്‍.
