ഷൊയ്ബ് മക്സൂദിന്റെ ബാറ്റിംഗ് മികവില്‍ മുല്‍ത്താന്‍ സുല്‍ത്താന്‍സ് ഒന്നാമത്

- Advertisement -

പേഷ്വാര്‍ സല്‍മിക്കെതിരെ 19 റണ്‍സ് വിജയം സ്വന്തമാക്കി മുല്‍ത്താന്‍ സുല്‍ത്താന്‍സ്. ജയത്തോടെ സുല്‍ത്താന്‍സ് പാക്കിസ്ഥാന്‍ സൂപ്പര്‍ ലീഗില്‍ ഒന്നാം സ്ഥാനത്തെത്തിയിട്ടുണ്ട്. ഷൊയ്ബ് മക്സൂദ് പുറത്താകാതെ നേടിയ 85 റണ്‍സാണ് ടീമിനെ 20 ഓവറില്‍ 183/3 എന്ന സ്കോറിലേക്ക് നയിച്ചത്. 42 പന്തില്‍ നിന്ന് 7 സിക്സുകളും 4 ബൗണ്ടറിയും സഹിതമാണ് മക്സൂദ് തന്റെ 85 റണ്‍സ് നേടിയത്. മക്സൂദിനു പിന്തുണയായി അഹമ്മദ് ഷെഹ്സാദ്(37), കുമാര്‍ സംഗക്കാര(28) എന്നിവരും സുല്‍ത്താന്‍സ് നിരയില്‍ തിളങ്ങി.

മുഹമ്മദ് ഹഫീസ്(56), ലിയാം ഡോസണ്‍(32) എന്നിവര്‍ക്ക് മാത്രമാണ് പേഷ്വാര്‍ സല്‍മി നിരയില്‍ തിളങ്ങാനായത്. 8 വിക്കറ്റുകളുടെ നഷ്ടത്തില്‍ 164 റണ്‍സില്‍ ടീമിന്റെ ബാറ്റിംഗ് അവസാനിച്ചപ്പോള്‍ 19 റണ്‍സിന്റെ ജയം മുല്‍ത്താനു സ്വന്തമായി. സുല്‍ത്താന്‍സിനു വേണ്ിട കീറണ്‍ പൊള്ളാര്‍ഡും സൊഹൈല്‍ തന്‍വീറും മൂന്ന് വീതം വിക്കറ്റും മുഹമ്മദ് ഇര്‍ഫാന്‍ രണ്ട് വിക്കറ്റും നേടി.

കൂടുതൽ കായിക വാർത്തകൾക്ക് : www.facebook.com/FanportOfficial

Advertisement