2026 മുതൽ പിഎസ്എല്ലിൽ (പാകിസ്താൻ സൂപ്പർ ലീഗ്) രണ്ട് പുതിയ ഫ്രാഞ്ചൈസികൾ കൂടെ ഉണ്ടാകും. എട്ട് ടീമുകളുടെ ലീഗായി പി എസ് എൽ മാറും എന്ന് ഔദ്യോഗികമായി പി സി ബി അറിയിച്ചു. 2025-ലെ വരാനിരിക്കുന്ന സീസൺ ആകും ആറ് ടീമുകളുള്ള അവസാന സീസൺ. ആദ്യ പത്തു സീസണു ശേഷം മാത്രമെ ടീൻ വർധിപ്പിക്കൂ എന്ന് പി സി ബി തുടക്കത്തിൽ തന്നെ കരാർ വെച്ചിരുന്നു.
പുതിയ ടീമുകൾ ഏതൊക്കെ നഗരങ്ങളെയാണ് പ്രതിനിധീകരിക്കുന്നത് എന്ന് തീരുമാനിക്കാനുള്ള നടപടികൾ ഇതുവരെ ആരംഭിച്ചിട്ടില്ല. അടുത്ത വർഷം ആകും ബിഡിംഗ് ഉൾപ്പെടെയുള്ള കാര്യങ്ങൾ നടക്കുക. പി എസ് എൽ വിൻഡോ മാറ്റുന്നതും പാകിസ്താൻ ക്രിക്കറ്റ് ബോർഡ് ആലോചിക്കുന്നുണ്ട്.
അടുത്ത സീസൺ മുതൽ പിഎസ്എൽ എപ്പോൾ കളിക്കും എന്നത് പാകിസ്താന് ആശങ്ക നൽകുന്നുണ്ട്. ഫെബ്രുവരി-മാർച്ച് മാസങ്ങളിൽ ആണ് ഇപ്പോൾ PSL വിൻഡോ. എന്നാൽ അടുത്ത വർഷം ചാമ്പ്യൻസ് ട്രോഫി നടക്കുന്നത് കൊണ്ട് പി എസ് എല്ലിനായി പുതിയ സമയം കണ്ടെത്തേണ്ട അവസ്ഥയിലാണ് പാകിസ്താൻ ഉള്ളത്.