പഹൽഗാം ഭീകരാക്രമണത്തിന് മറുപടിയായി ഇന്ത്യ നടത്തിയ സൈനിക ആക്രമണങ്ങളുടെ പശ്ചാത്തലത്തിൽ പിഎസ്എൽ അനിശ്ചിതത്വത്തിൽ ആയിരിക്കുകയാണ്. ലീഗിന്റെ ഭാവി അവലോകനം ചെയ്യാൻ പാകിസ്ഥാൻ ക്രിക്കറ്റ് ബോർഡ് (പിസിബി) അടിയന്തര യോഗം വിളിച്ചു.
ഇന്ന്, വ്യാഴാഴ്ച, രാത്രി നടക്കാനിരുന്ന പെഷവാർ സൽമിയും കറാച്ചി കിംഗ്സും തമ്മിലുള്ള മത്സരം പുനഃക്രമീകരിച്ചു. പുതിയ തീയതി പിന്നീട് അറിയിക്കും എന്ന് പി സി ബി അറിയിച്ചു.
പിഎസ്എൽ സിഇഒ സൽമാൻ നസീർ വിദേശ കളിക്കാരെ കണ്ടുമുട്ടുകയും അവരുടെ സുരക്ഷ ഉറപ്പാക്കുകയും ചെയ്തു. സ്ഥിതിഗതികൾ സൂക്ഷ്മമായി നിരീക്ഷിച്ചു വരികയാണെന്നും കൂടുതൽ തീരുമാനങ്ങൾ സർക്കാർ ഉപദേശത്തെ ആശ്രയിച്ചിരിക്കുമെന്നും പിസിബി അറിയിച്ചു. ലീഗിൽ കളിക്കുന്ന ഇംഗ്ലീഷ് താരങ്ങൾ നാട്ടിലേക്ക് മടങ്ങാനുള്ള ശ്രമങ്ങൾ ആരംഭിച്ചിട്ടുണ്ട്.