രഞ്ജി ട്രോഫി മത്സരത്തിനിടെ പരിക്കേറ്റ ഇന്ത്യൻ ഓപ്പണർ പ്രിത്വി ഷാ ന്യൂസിലാൻഡിലേക്ക് തിരിക്കും. നാഷണൽ ക്രിക്കറ്റ് അക്കാദമിയിൽ താരം ഫിറ്റ്നസ് തെളിയിച്ചതോടെയാണ് പ്രിത്വി ഷാ ന്യൂസിലാൻഡ് പരമ്പരയിൽ ഇന്ത്യ എടീമിന് വേണ്ടി കളിക്കുമെന്ന് ഉറപ്പായത്.
കർണാടകക്കെതിരായ രഞ്ജി ട്രോഫി മത്സരത്തിനിടെ ഫീൽഡ് ചെയ്യുന്നതിനിടെയാണ് പ്രിത്വി ഷായുടെ തോളിന് പരിക്കേറ്റത്. തുടർന്ന് കഴിഞ്ഞ ദിവസം താരം ബെംഗളുരുവിലെ നാഷണൽ ക്രിക്കറ്റ് അക്കാദമിയിൽ നടത്തിയ യോയോ ടെസ്റ്റിൽ ജയിക്കുകയായിരുന്നു. ജനുവരി 22ന് തുടങ്ങുന്ന ഇന്ത്യ എ – ന്യൂസിലാൻഡ് എ ഏകദിന മത്സരത്തിൽ പ്രിത്വി ഷാ കളിക്കുമെന്നാണ് കരുതപ്പെടുന്നത്.
പരിക്ക് മാറിയതോടെ ഇന്ത്യയുടെ ന്യൂസിലാൻഡ് ടെസ്റ്റ് പരമ്പരയിൽ മൂന്നാമത്തെ ഓപ്പണറായി പ്രിത്വി ഷാ സ്ഥാനം പിടിക്കുമെന്നാണ് കരുതപ്പെടുന്നത്.