മുൻ ഓസ്ട്രേലിയൻ ക്യാപ്റ്റൻ റിക്കി പോണ്ടിംഗ്, വരാനിരിക്കുന്ന ബോർഡർ-ഗവാസ്കർ ട്രോഫിയിൽ ഇന്ത്യ തോൽക്കും എന്ന് പ്രവചിച്ചു, ഓസ്ട്രേലിയ അഞ്ച് മത്സരങ്ങളുടെ ടെസ്റ്റ് പരമ്പര 3-1 ന് വിജയിക്കുമെന്നാണ് അദ്ദേഹം പ്രവചിച്ചത്. നവംബർ 22 ന് നടക്കുന്ന ഓപ്പണിംഗ് ടെസ്റ്റിന് ദിവസങ്ങൾക്ക് മുമ്പാണ് പോണ്ടിങ്ങിൻ്റെ പ്രസ്താവന വരുന്നത്.
സ്വന്തം തട്ടകത്തിൽ ന്യൂസിലൻഡിനെതിരായ 0-3 ടെസ്റ്റ് പരമ്പര തോൽവിയിൽ നിന്ന് വീർപ്പുമുട്ടുന്ന ഇന്ത്യ, ഓസ്ട്രേലിയയ്ക്കെതിരെ ജയിക്കാൻ പ്രയാസപ്പെടും എന്ന് പോണ്ടിങ് പറയുന്നു.
“അഞ്ച് ടെസ്റ്റ് മത്സരങ്ങളിൽ ഇന്ത്യ എവിടെയെങ്കിലും ഒരു ടെസ്റ്റ് മത്സരത്തിൽ വിജയിക്കുമെന്ന് ഞാൻ കരുതുന്നു. എന്നാൽ ഓസ്ട്രേലിയ സ്ഥിരതയുള്ള ടീമാണ്.” ഐസിസി റിവ്യൂ അഭിമുഖത്തിൽ അദ്ദേഹം പറഞ്ഞു.
ഷമിയുടെ അഭാവം ഇന്ത്യയുടെ ബൗളിംഗ് നിരയിൽ ഒരു “വലിയ ദ്വാരം” അവശേഷിപ്പിക്കുന്നുവെന്ന് പോണ്ടിംഗ് അഭിപ്രായപ്പെട്ടു. “ഇന്ത്യയ്ക്ക് ഒരു ടെസ്റ്റ് മത്സരത്തിൽ 20 വിക്കറ്റ് വീഴ്ത്തുന്നത് ഏറ്റവും വലിയ വെല്ലുവിളിയാണ്,” ഷമിയുടെ അനുഭവപരിചയമില്ലാതെ ഓസ്ട്രേലിയയെ രണ്ടുതവണ പുറത്താക്കുന്നതിന് ഇന്ത്യ ബുദ്ധിമുട്ടും. അദ്ദേഹം കൂട്ടിച്ചേർത്തു.