നോട്ടിംഗാംഷയറിൽ 2018ൽ സ്റ്റുവർട് ബ്രോഡിനൊപ്പം കളിച്ചത് താരത്തെ നേരിടുവാൻ സഹയാകിക്കുമെന്ന് പറഞ്ഞ് ന്യൂസിലാണ്ട് സീനിയർ താരം റോസ് ടെയിലർ. തന്നെ ടെസ്റ്റ് ക്രിക്കറ്റിൽ പത്ത് പ്രാവശ്യം സ്റ്റുവർട് ബ്രോഡ് പുറത്താക്കിയിട്ടുണ്ടെങ്കിലും ഇംഗ്ലണ്ടിനെതിരെ 17 മത്സരങ്ങളിൽ നിന്ന് 1145 റൺസ് നേടിയിട്ടുള്ള റോസ് ടെയിലർ ആണ് അവർക്കെതിരെ ഏറ്റവും അധികം റൺസ് നേടിയിട്ടുള്ള ന്യൂസിലാണ്ട് താരം.
താൻ കൌണ്ടി കളിച്ചപ്പോൾ താരത്തെ സസൂക്ഷ്മം നിരീക്ഷിച്ചിട്ടുണ്ടെന്നും അദ്ദേഹം ബൌളർമാരുമായി സംസാരിച്ചതും പന്തെറിഞ്ഞതും താനുമായി പങ്കുവെച്ച കാര്യങ്ങളുമെല്ലാം തന്നെ കൂടുതൽ മെച്ചപ്പെടുത്തിയിട്ടുണ്ടെന്നാണ് കരുതുന്നതെന്ന് റോസ് ടെയിലർ പറഞ്ഞു.
ബ്രോഡും ആൻഡേഴ്സണും ഡ്യൂക്ക് ബോളിൽ വളരെ അപകടകാരികളായ താരങ്ങളാണെന്നും ബ്രോഡ് തന്നെ പല വട്ടം പുറത്താക്കിയിട്ടുണ്ടെന്നതും താൻ മറ്ക്കുന്നില്ലെന്നും എന്നാൽ അന്ന് തനിക്ക് താരത്തിനെക്കുറിച്ച് ഇത്രയധികം വിവരം ഇല്ലായിരുന്നുവെന്നും റോസ് ടെയിലർ അഭിപ്രായപ്പെട്ടു.