പാക്കിസ്ഥാനെതിരെയുള്ള അവസാന രണ്ട് ഏകദിനങ്ങളില് ഓസ്ട്രേലിയന് പേസര് പാറ്റ് കമ്മിന്സിനു വിശ്രമം നല്കുവാന് തീരുമാനിച്ച് ഓസ്ട്രേലിയ. ലോകകപ്പ് രണ്ട് മാസം മാത്രേ അകലെയുള്ളപ്പോള് പരമ്പര 3-0നു ജയിച്ചു കഴിഞ്ഞ സ്ഥിതിയ്ക്ക് കമ്മിന്സിനു വിശ്രമം ആവാമെന്ന് ക്രിക്കറ്റ് ഓസ്ട്രേലിയ തീരുമാനിക്കുകയായിരുന്നു. മൂന്നാം മത്സരത്തില് 23 റണ്സിനു മൂന്ന് വിക്കറ്റ് നേടിയ പാറ്റ് കമ്മിന്സാണ് മാന് ഓഫ് ദി മാച്ച് പട്ടം സ്വന്തമാക്കിയത്.
പരിക്കേറ്റ് ജൈ റിച്ചാര്ഡ്സണും യുഎഇയില് നിന്ന് നാട്ടിലേക്ക് ഉടന് മടങ്ങും. മാര്ച്ച് 29നും മാര്ച്ച് 31നുമാണ് ശേഷിക്കുന്ന മത്സരങ്ങള് നടക്കുന്നത്.