2025 ലെ ഐസിസി ചാമ്പ്യൻസ് ട്രോഫിക്കുള്ള ഇന്ത്യയുടെ തയ്യാറെടുപ്പുകൾക്ക് ചെറിയ തിരിച്ചടി. ദുബായിൽ ടീമിന്റെ ആദ്യ പരിശീലന സെഷനിൽ വിക്കറ്റ് കീപ്പർ ബാറ്റ്സ്മാൻ പന്തിന് കാൽമുട്ടിന് പരിക്കേറ്റു. ഇന്നലെ ദുബൈയിൽ എത്തിയ ടീം സാഹചര്യങ്ങളുമായി പൊരുത്തപ്പെടാൻ ഇന്ന് തന്നെ പരിശീലനം ആരംഭിച്ചു.
പന്തിന്റെ കാൽ മുട്ടിനേറ്റ പരിക്ക് ആദ്യം ആശങ്ക ഉയർത്തി എങ്കിലും താരം അധികം വൈകാതെ വീണ്ടും പരിശീലനത്തിന് ഇറങ്ങി. ഇന്ത്യ ബാക്കപ്പ് കീപ്പർ ആയാണ് പന്തിനെ ടീമിൽ ഉൾപ്പെടുത്തിയത്. കെ എൽ രാഹുൽ തന്നെയാകും ഇന്ത്യയുടെ പ്രധാന കീപ്പർ. പന്തിന് അവസരം കിട്ടാൻ സാധ്യത കുറവാണ്.