ഇംഗ്ലണ്ടുമായുള്ള പാക്കിസ്ഥാന്റെ ഏകദിന മത്സരത്തിനിടെ പാകിസ്ഥാൻ താരം താരം ഇമാമുൽ ഹഖിന് പരിക്ക്. ഇംഗ്ലണ്ടിന്റെ ഫാസ്റ്റ് ബൗളർ മാർക്ക് വുഡിന്റെ പന്ത് കയ്യിൽ തട്ടിയാണ് താരത്തിന് പരിക്കേറ്റത്. തുടർന്ന് മത്സരത്തിൽ നിന്ന് താരം റിട്ടയർ ചെയ്യുകയും ചെയ്തു. ലോകകപ്പ് ടീമിൽ ഇടം നേടിയ ഇമാമുൽ ഹഖിന്റെ പരിക്ക് ആദ്യം ഗുരുതരമാണെന്ന് തോന്നിയെങ്കിലും താരത്തിന് ഗുരുതരമായ പരിക്കുകളില്ലെന്ന് പാകിസ്ഥാൻ ക്രിക്കറ്റ് ബോർഡ് അറിയിച്ചു.
ഇംഗ്ലണ്ട് ഫാസ്റ്റ് ബൗളർ മാർക്ക് വുഡിന്റെ പന്ത് പുൾ ചെയ്യാൻ ശ്രമിക്കുന്നതിനിടെയാണ് താരത്തിന് പരിക്കേറ്റത്. 143 കിലോമീറ്റർ വേഗത്തിലുള്ള പന്താണ് താരത്തിന്റെ ശരീരത്തിൽ കൊണ്ടത്. താരത്തിന്റെ ഇടത് കൈ മുട്ടിനാണ് പരിക്കേറ്റത്. തുടർന്ന് റിട്ടയർ ചെയ്ത താരം ഹോസ്പിറ്റലിൽ പോയതിന് ശേഷം വീണ്ടും ബാറ്റ് ചെയ്യാൻ ഇറങ്ങുകയും ചെയ്തു.