മുൻ ഇംഗ്ലണ്ട് ക്യാപ്റ്റൻ മൈക്കൽ വോൺ നിലവിലെ പാകിസ്ഥാൻ ക്രിക്കറ്റ് ടീമിനെ രൂക്ഷമായി വിമർശിച്ചു, രാജ്യത്തെ പ്രതിനിധീകരിക്കുന്നത് അവരുടെ എക്കാലത്തെയും മോശം ടീമാണെന്ന് അദ്ദേഹം വിശേഷിപ്പിച്ചു. ആദ്യ ഇന്നിംഗ്സിൽ 500-ലധികം റൺസ് നേടിയിട്ടും ഇംഗ്ലണ്ടിനെതിരായ ആദ്യ ടെസ്റ്റിൽ ഇന്നിംഗ്സിനും 47 റൺസിനും തോറ്റ പാക്കിസ്ഥാൻ്റെ അവസ്ഥയെ കുറിച്ച് സംസാരിക്കുക ആയിരുന്നു വോൺ.
“എനിക്ക് ഓർക്കാൻ കഴിയുന്ന ഏറ്റവും മോശം പാക്കിസ്ഥാൻ ടീമാണിത്” അദ്ദേഹം പറഞ്ഞു. പാക്കിസ്ഥാൻ ഇപ്പോൾ തുടർച്ചയായി 11 ഹോം ടെസ്റ്റുകൾ ജയിക്കാത്ത റണ്ണിലാണ്.
പാകിസ്താൻ ഇപ്പോൾ അവരുടെ ടീമിൽ നിന്ന് ബാബറിനെയും ഷഹീനെയും പുറത്താക്കിയിരിക്കുകയാണ്. ഈ തോൽവികളിൽ നിന്ന് കരകയറാമെന്ന പ്രതീക്ഷയോടെ ഒക്ടോബർ 15ന് ആരംഭിക്കുന്ന രണ്ടാം ടെസ്റ്റിൽ ടീം ഇംഗ്ലണ്ടിനെ വീണ്ടും നേരിടും.