സിംബാബ്വേയ്ക്കെതിരെ രണ്ടാം ടി20യിലും ആധികാരിക പ്രകടനവുമായി പാക്കിസ്ഥാന്. ഇന്ന് നടന്ന മത്സരത്തിൽ ആദ്യ ബാറ്റ് ചെയ്ത സിംബാബ്വേ 57 റൺസിന് ഓള്ഔട്ട് ആകുകയായിരുന്നു. 37/0 എന്ന നിലയിൽ സിംബാബ്വേ ഒരു ഘട്ടത്തിൽ മികച്ച തുടക്കം ലഭിച്ച് മുന്നേറുമെന്ന് കരുതിയ സാഹചര്യത്തിൽ നിന്നാണ് ടീം 20 റൺസ് കൂടി നേടുന്നതിനിടെ ഓള്ഔട്ട് ആയത്.
സുഫിയന് മുഖീം 5 വിക്കറ്റും അബ്ബാസ് അഫ്രീദി രണ്ട് വിക്കറ്റും നേടിയപ്പോള് സിംബാബ്വേ നിരയിൽ ഓപ്പണര്മാരായ ബ്രയന് ബെന്നറ്റും(21) ടി മരുമാനിയും (16) മാത്രമാണ് രണ്ടക്ക സ്കോര് നേടിയത്. വെറും 3 റൺസ് മാത്രം വിട്ട് നൽകിയാണ് സുഫിയന് തന്റെ അഞ്ച് വിക്കറ്റ് നേട്ടം കൊയ്തത്.
മറുപടി ബാറ്റിംഗിനിറങ്ങിയ പാക്കിസ്ഥാന് 5.3 ഓവറിലാണ് പത്ത് വിക്കറ്റ് വിജയം കരസ്ഥമാക്കിയത്. സയിം അയൂബ് 36 റൺസും ഒമൈര് യൂസുഫ് 22 റൺസും നേടി പുറത്താകാതെ നിന്നു.