ഓവൽ ടെസ്റ്റിലും ഇന്ത്യൻ ബാറ്റിംഗിന് മോശം തുടക്കം. ഇന്ന് ഇന്ത്യയെ ബാറ്റിംഗിന് അയച്ച ഇംഗ്ലണ്ട് മികച്ച ബൗളിംഗ് ആണ് കാഴ്ചവെച്ചത്. മത്സരം ലഞ്ചിന് പിരിയുമ്പോൾ ഇന്ത്യ മൂന്ന് വിക്കറ്റ് നഷ്ടത്തിൽ 54 റൺസ് എന്ന നിലയിലാണ്. ആദ്യ 7 ഓവറിൽ നന്നായി ബാറ്റി ചെയ്ത ഇന്ത്യ പിന്നീട് തകരുക ആയിരുന്നു. രോഹിത് ശർമ്മ 11 റൺസ് എടുത്തും രാഹുൽ 17 റൺസ് എടുത്തും പുറത്തായി. പൂജാര 4 റൺസ് എടുത്തും പുറത്തായി. ആൻഡേഴ്സൺ, റോബിൻസൺ, വോക്സ് എന്നിവരാണ് വിക്കറ്റുകൾ വീഴ്ത്തിയത്.
ഇപ്പോൾ 18 റൺസുമായി വിരാട് കോഹ്ലിയും 2 റൺസുമായി ജഡേജയുമാണ് ക്രീസിൽ ഉള്ളത്.