വിന്ഡീസിനു വേണ്ടി ഇംഗ്ലണ്ടിനെതിരെ അവസാന രണ്ട് ടി20യില് ടീമിലിടം പിടിച്ച് ഒബേദ് മക്കോയ്. വെള്ളിയാഴ്ചയും ഞായറാഴ്ചയുമായി സെയിന്റ് കിറ്റ്സില് നടക്കുന്ന അവസാന രണ്ട് ടി20കളില് ടീമിനൊപ്പം താരം ചേരും. ആന്ഡ്രേ റസ്സല് പരമ്പരയില് നിന്ന് വൈദ്യ സംബന്ധമായ കാരണങ്ങളാല് പിന്മാറിയതിനാലാണ് ഈ മാറ്റം.
ഒക്ടോബര് 2018ല് വിന്ഡീസിനായി അരങ്ങേറ്റം നടത്തിയ താരം നാല് വിക്കറ്റ് നേടിയിട്ടുണ്ട്. കരീബിയന് പ്രീമിയര് ലീഗിലും ഗ്ലോബല് ടി20 കാനഡയിലും മികവ് പുലര്ത്തിയ താരമാണ് ഒബേദ്.