ഇന്ത്യയ്ക്കെതിരെയുള്ള ഏകദിനങ്ങള്ക്കുള്ള ടീം പ്രഖ്യാപിച്ച് ന്യൂസിലാണ്ട്. ആദ്യ മൂന്ന് മത്സരങ്ങള്ക്കുള്ള ടീമിനെയാണ് പ്രഖ്യാപിച്ചിരിക്കുന്നത്. ടോം ലാഥം, കോളിന് ഡി ഗ്രാന്ഡോം, മിച്ചല് സാന്റനര് എന്നിവര് ടീമിലേക്ക് മടങ്ങിയെത്തുന്നു. ശ്രീലങ്ക ഏകദിനത്തിനിടെ പരിക്കേറ്റ ജെയിംസ് നീഷത്തിനു പകരമാണ് ഗ്രാന്ഡോം എത്തുന്നത്. അതേ സമയം ടിം സീഫെര്ടിനു പകരം ടോം ലാഥവും ടീമിലേക്ക് മടങ്ങിയെത്തുന്നു.
മാര്ച്ച് 2018ല് അവസാനമായി ഏകദിനം കളിച്ച മിച്ചല് സാന്റനര്ക്കും ടീമില് ഇടം ലഭിച്ചിട്ടുണ്ട്. നീഷവും പരിക്കേറ്റ മറ്റൊരു താരം ടോഡ് ആസ്ടലെയും അവസാന രണ്ട് ഏകദിനങ്ങള്ക്കായി ടീമിലുണ്ടാവുമെന്നാണ് കരുതുന്നത്.
സ്ക്വാഡ്: കെയിന് വില്യംസണ്, ട്രെന്റ് ബോള്ട്ട്, ഡഗ് ബ്രേസ്വെല്, കോളിന് ഡി ഗ്രാന്ഡോം, ലോക്കി ഫെര്ഗൂസണ്, മാര്ട്ടിന് ഗുപ്ടില്, മാറ്റ് ഹെന്റി, ടോം ലാഥം, കോളിന് മണ്റോ, ഹെന്റി നിക്കോളസ്, മിച്ചല് സാന്റനര്, ഇഷ് സോധി, ടിം സൗത്തി, റോസ് ടെയിലര്