2018 കൗണ്ടി ചാമ്പ്യന്ഷിപ്പിലെ നോട്ടിംഗാംഷയറിന്റെ ശേഷിക്കുന്ന അഞ്ച് മത്സരങ്ങള്ക്കായി വിന്ഡീസ് താരം ക്രെയിഗ് ബ്രാത്വൈറ്റ് കരാര് ഒപ്പിട്ടു. ഹാംഷയറിനെതിരെ ഓഗസ്റ്റ് 19 ഞായറാഴ്ച നടക്കുന്ന അടുത്ത മത്സരം മുതല് താരം ടീമിനൊപ്പമുണ്ടാകുമെന്നാണ് അറിയുവാന് കഴിയുന്നത്. സറേ, യോര്ക്ക്ഷയര്,എസ്സെക്സ്, സോമെര്സെറ്റ് എന്നിവരാണ് ടീമിന്റെ മറ്റു എതിരാളികള്.
50നടുത്ത് ടെസ്റ്റ് മത്സരങ്ങളില് പരിചയമുള്ള ക്രെയിഗിന്റെ അനുഭവസമ്പത്ത് ടീമിനു ഏറെ ഗുണം ചെയ്യുമെന്നാണ് നോട്ടിംഗാംഷയര് ഡയറക്ടര് ഓഫ് ക്രിക്കറ്റ് മിക്ക് നെവെല് അഭിപ്രായപ്പെട്ടത്.
കൂടുതൽ കായിക വാർത്തകൾക്ക് : www.facebook.com/FanportOfficial
