തലപ്പത്ത് മാറ്റം വന്നതിന് ശേഷം ഇംഗ്ലണ്ടിന്റെ ടെസ്റ്റ് ശൈലി തന്നെ മാറി മറിയുന്ന കാഴ്ചയാണ് ന്യൂസിലാണ്ടിനെതിരെയുള്ള ടെസ്റ്റ് പരമ്പരയിൽ കണ്ടത്. ഇന്ത്യയ്ക്കായിരുന്നു കഴിഞ്ഞ വര്ഷം നടന്ന പരമ്പരയിലെ നാല് മത്സരങ്ങളിൽ ആധിപത്യമെങ്കിൽ ഇത്തവണ അതല്ല സ്ഥിതിയെന്നാണ് പല ക്രിക്കറ്റ് നിരീക്ഷകരും വിലയിരുത്തുന്നത്.
ഇംഗ്ലണ്ട് എന്ത് ചെയ്തുവെന്നും എങ്ങനെ കളിക്കുന്നുവെന്നതിനെക്കുറിച്ചും ഇന്ത്യ ചിന്തിക്കുന്നില്ലെന്നും തങ്ങള് പോസിറ്റീവ് ക്രിക്കറ്റ് വര്ഷങ്ങളായി കളിച്ച് വരുന്ന ടീമാണെന്നും രാഹുല് ദ്രാവിഡ് വ്യക്തമാക്കി.
ഇംഗ്ലണ്ടിന്റെ ന്യൂസിലാണ്ടിനെതിരെയുള്ള മത്സരങ്ങള് അധികം കണ്ടില്ലെന്നും കഴിഞ്ഞ വര്ഷത്തെ ലോക ടെസ്റ്റ് ചാമ്പ്യന്ഷിപ്പിൽ രണ്ടാം സ്ഥാനക്കായിരുന്ന ഇന്ത്യ പോസിറ്റീവ് ക്രിക്കറ്റ് കളിച്ചുവെന്നതിന്റെ തെളിവ് കൂടിയാണ് ഈ നേട്ടം എന്നും ദ്രാവിഡ് കൂട്ടിചേര്ത്തു.
ഈ വര്ഷവും ആദ്യ രണ്ട് സ്ഥാനക്കാര്ക്ക് പിന്നിലായി തന്നെ ഇന്ത്യ ഉണ്ടെന്നും ഇതുവരെ ടീം വിജയകരമായി തന്നെ മുന്നേറുകയാണെന്നും ദ്രാവിഡ് സൂചിപ്പിച്ചു.