ആദ്യ ഇന്നിംഗ്സിലെ ബാറ്റിംഗ് തകര്ച്ചയുടെ കടം വീട്ടി ന്യൂസിലാണ്ട്. രണ്ടാം ഇന്നിംഗ്സില് 585 റണ്സ് നേടി ടീം ശ്രീലങ്കയ്ക്ക് മുന്നില് അപ്രാപ്യമായൊരു ലക്ഷ്യമാണ് നല്കിയിരിക്കുന്നത്. മത്സരത്തില് വിജയിക്കുവാന് ശ്രീലങ്ക 660 റണ്സാണ് നേടേണ്ടത്. ഇന്നലത്തെ 231/2 എന്ന സ്കോറില് നിന്ന് ബാറ്റിംഗ് പുനരാരംഭിച്ച ന്യൂസിലാണ്ട് മൂന്നാം ദിവസം 585/4 എന്ന സ്കോറില് ഡിക്ലയ്ര ചെയ്യുകയായിരുന്നു.
ടോം ലാഥം(176), ഹെന്റി നിക്കോളസ്(162*) എന്നിവരുടെ ശതകങ്ങള്ക്കൊപ്പം അടിച്ച് തകര്ത്ത് സ്കോറിംഗ് നടത്തിയ കോളിന് ഡി ഗ്രാന്ഡോമും(71*) ചേര്ന്നാണ് ന്യൂസിലാണ്ടിനായി റണ് മല ഒരുക്കിയത്. റോസ് ടെയിലറും(40), ജീത്ത് റാവലും(74), കെയിന് വില്യംസണും(48) ന്യൂസിലാണ്ടിന്റെ പ്രധാന സ്കോറര്മാരായി.
ശ്രീലങ്കയ്ക്കായി ലഹിരു കുമര രണ്ടും ദുഷ്മന്ത ചമീര, ദില്രുവന് പെരേര എന്നിവര് ഓരോ വിക്കറ്റും നേടി.