ദേശീയ ടീമിന്റെ മത്സരങ്ങള് ഉപേക്ഷിച്ച് ഫ്രാഞ്ചൈസി ക്രിക്കറ്റിനായി താന് ഇറങ്ങില്ലെന്ന് പറഞ്ഞ് അഫ്ഗാനിസ്ഥാന് സ്പിന്നര് റഷീദ് ഖാൻ. ലാഹോര് ഖലന്തേഴ്സ് പിഎസ്എൽ ഫൈനലില് എത്തിയപ്പോളും അഫ്ഗാനിസ്ഥാന്റെ ബംഗ്ലാദേശ് പരമ്പരയ്ക്കായി താരം ടീമിനൊപ്പം ചേരുകയായിരുന്നു.
ഫൈനലിലെത്തിയ ഖലന്തേഴ്സിന് വേണ്ടി കളിക്കുവാന് റഷീദ് എത്തുമെന്ന് വാര്ത്തകള് പരന്നുവെങ്കിലും അതുണ്ടാകില്ലെന്ന് താരം തന്നെ ട്വിറ്ററിൽ കുറിച്ചിരുന്നു. തന്നെ ഇവിടെ വരെ എത്തിച്ചത് ദേശീയ ടീമിന് വേണ്ടി കളിച്ചപ്പോളുള്ള പ്രകടനങ്ങളാണെന്നും അതിനാൽ തന്നെ ദേശീയ ടീമിന് മത്സരങ്ങള് ഉണ്ടെങ്കിൽ താന് അവിടെ ഉണ്ടാകണമെന്നാണ് കരുതുന്നതെന്നും അഫ്ഗാന് താരം പറഞ്ഞു.