U19 ലോകകപ്പിൽ സൂപ്പർ സിക്സിലെ ആദ്യ മത്സരത്തിൽ ഇന്ത്യ ഇന്ന് ന്യൂസിലൻഡിനെ നേരിടുകയാണ്. ആദ്യ ബറ്റൗ ചെയ്ത ഇന്ത്യ 295/5 റൺസ് എടുത്തു. മുഷീർ ഖാന്റെ സെഞ്ച്വറിയാണ് ഇന്ത്യക്ക് കരുത്തായത്. ഈ ലോകകപ്പിൽ ഇത് മുഷീർ ഖാന്റെ രണ്ടാം സെഞ്ച്വറിയാണ്. ഒരു അർധ സെഞ്ച്വറിയും താരം നേടിയിട്ടുണ്ട്. സർഫറാസ് ഖാന്റെ അനിയൻ കൂടിയായ മുഷീർ ഖാൻ ഇന്ന് 125 പന്തിൽ നിന്ന് 132 റൺസ് എടുത്തു.
3 സിക്സും 13 ഫോറും മുഷീർ ഖാന്റെ ഇന്നിങ്സിൽ ഉൾപ്പെടുന്നുണ്ടായിരുന്നു. ഇന്ത്യക്ക് ആയി ഓപ്പണർ ആദർശ് സിംഗ് 52 റൺസ് എടുത്തും തിളങ്ങി. ക്യാപ്റ്റൻ ഉദയ് ശരൺ 34 റൺസും എടുത്തു. ന്യൂസിലൻഡിനായി മേസൺ ക്ലർക്ക് 4 വിക്കറ്റുകൾ വീഴ്ത്തി.