അസ്ഹര് അലിയ്ക്ക് പകരം മുരളി വിജയ്യെ കൗണ്ടി കളിയ്ക്കാനായി തിരഞ്ഞെടുത്ത് സോമര്സെറ്റ്. മൂന്ന് കൗണ്ടി മത്സരങ്ങള്ക്കായാണ് ടീം വിജയിനെ എടുത്തിരിക്കുന്നത്. അസ്ഹര് അലിയെ പാക്കിസ്ഥാന് ദേശീയ ടീമിലേക്ക് യാത്രയാകുമ്പോള് പകരം എത്തുന്നതാണ് മുരളി വിജയ്. തനിക്ക് അവസരം ലഭിയ്ക്കുന്നതില് ഏറെ സന്തോഷമുണ്ടെന്നാണ് മുരളി വിജയ് പറഞ്ഞത്. സോമര്സെറ്റിന് കിരീടം നേടിക്കൊടുക്കുവാനുള്ള ശ്രമങ്ങളില് തനിക്കും ഭാഗമാകുവാനുള്ള അവസരം ലഭിച്ചതില് വളരെ സന്തോഷമുണ്ടെന്നും മുരളി വിജയ് പറഞ്ഞു.
എസ്സെക്സിന് വേണ്ടി കഴിഞ്ഞ വര്ഷം കളിച്ച് മികച്ച പ്രകടനം പുറത്തെടുത്ത താരമാണ് മുരളി വിജയ്. താരത്തിനെ തിരഞ്ഞെടുക്കുമ്പോള് ഈ കാര്യവും പരിഗണിച്ചിട്ടുണ്ടെന്ന് സോമര്സെറ്റ് അധികൃതര് അറിയിച്ചു.