ക്യാപ്റ്റൻ എന്നനിലയിൽ ഇന്ത്യൻ താരങ്ങളുമായി ഉണ്ടായ മങ്കിഗേറ്റ് സംഭവം തന്റെ കരിയറിലെ ഏറ്റവും മോശം കാര്യമായിരുന്നെന്ന് മുൻ ഓസ്ട്രേലിയൻ ക്യാപ്റ്റൻ റിക്കി പോണ്ടിങ്. 2008 ടെസ്റ്റ് പാരമ്പരക്കിടെ ഗ്രൗണ്ടിൽ ഇന്ത്യൻ താരങ്ങളും ഓസ്ട്രേലിയൻ താരങ്ങളും തമ്മിലുണ്ടായ പ്രശ്നങ്ങൾ ക്രിക്കറ്റ് ലോകത്ത് വളരെയധികം ചർച്ച ചെയ്യപ്പെട്ടിരുന്നു. തുടർന്ന് ഇരു രാജ്യങ്ങളും തമ്മിലുള്ള ക്രിക്കറ്റ് ബന്ധത്തിൽ വരെ ഈ വിഷയം കടന്നുവരികയും ചെയ്തിരുന്നു.
2005ലെ ആഷസ് പരമ്പര തോറ്റത് ക്യാപ്റ്റൻ എന്ന നിലയിൽ വളരെ കഠിനമായിരുനെങ്കിലും ആ സാഹചര്യത്തിന്റെ മുഴുവൻ നിയന്ത്രണവും തന്റെ കയ്യിൽ ഉണ്ടായിരുന്നുവെന്ന് പോണ്ടിങ് പറഞ്ഞു. എന്നാൽ മങ്കിഗേറ്റ് സംഭവത്തിൽ തനിക്ക് ഒരു നിയന്ത്രണവും ഉണ്ടായിരുന്നില്ലെന്നും ക്യാപ്റ്റൻ എന്ന നിലയിൽ തന്റെ കരിയറിലെ ഏറ്റവും മോശം സമയമായിരുന്നു അതെന്നും പോണ്ടിങ് കൂട്ടിച്ചേർത്തു. തുടർന്ന് പെർത്തിൽ നടന്ന ടെസ്റ്റ് ഇന്ത്യ ജയിച്ചതും തനിക്ക് വലിയ തിരിച്ചടിയായിരുന്നെന്നും പോണ്ടിങ് പറഞ്ഞു.