ഇന്ത്യയ്ക്കെതിരെ ധാക്ക ടെസ്റ്റിന്റെ ആദ്യ ദിവസം രണ്ടാം സെഷന് അവസാനിക്കുമ്പോള് ബംഗ്ലാദേശ് 184/5 എന്ന നിലയിൽ. 65 റൺസ് നേടിയ മോമിനുള് ഹക്ക് ആണ് ബംഗ്ലാദേശിന്റെ ചെറുത്ത്നില്പ് നയിക്കുന്നത്. ഇന്ത്യയ്ക്കായി ജയ്ദേവ് ഉനഡ്കടും രവിചന്ദ്രന് അശ്വിനും രണ്ട് വീതം വിക്കറ്റാണ് നേടിയത്.
മുഷ്ഫിക്കുര് റഹിം(26), ലിറ്റൺ ദാസ്(25), നജ്മുള് ഹൊസൈന് ഷാന്റോ(24) എന്നിവര്ക്ക് ലഭിച്ച തുടക്കം വലിയ സ്കോറാക്കി മാറ്റാനാകാതെ പോയതും ബംഗ്ലാദേശിന് തിരിച്ചടിയായി. മോമിനുളിന് കൂട്ടായി 4 റൺസുമായി മെഹ്ദി ഹസന് മിറാസ് ആണ് ക്രീസിലുള്ളത്.
ഇന്ത്യയ്ക്കായി ഉനഡ്കടിനും അശ്വിനും പുറമെ ഉമേഷ് യാദവും വിക്കറ്റ് പട്ടികയിൽ ഇടം പിടിച്ചു.