ഇന്ത്യൻ പേസ് ബൗളർ മുഹമ്മദ് ഷമി തിരിച്ചെത്തി. രഞ്ജി ട്രോഫിയിൽ ബംഗാളിന്റെ അടുത്ത മത്സരത്തിൽ ഷമി കളിക്കും. 2023 ഏകദിന ലോകകപ്പ് ഫൈനലിന് ശേഷം കണങ്കാലിന് ശസ്ത്രക്രിയയ്ക്ക് വിധേയനായ ഷമി മാസങ്ങളായി പുറത്താണ്. മധ്യപ്രദേശിനെതിരായ ബംഗാളിന്റെ വരാനിരിക്കുന്ന മത്സരത്തിൽ ഷമി കളിക്കും.
നവംബർ 22 ന് ആരംഭിക്കാനിരിക്കുന്ന ഓസ്ട്രേലിയയ്ക്കെതിരായ ബോർഡർ-ഗവാസ്കർ ട്രോഫി പരമ്പരയ്ക്ക് തയ്യാറെടുക്കുമ്പോൾ രഞ്ജി ട്രോഫിയിലെ ഷമിയുടെ പ്രകടനം സൂക്ഷ്മമായി നിരീക്ഷിക്കപ്പെടും. ഷമി മാച്ച് ഫിറ്റ്നസിൽ എത്തുക ആണെങ്കിൽ മൂന്നാം ടെസ്റ്റിന് മുമ്പ് ഷമി ഇന്ത്യൻ ടീമിനൊപ്പം ചേരും.