ഇടത് കണങ്കാലിന് ഏറ്റ പരിക്ക് മാറാത്തതിനാൽ മുഹമ്മദ് ഷമി ശസ്ത്രക്രിയക്ക് വിധേയനാകേണ്ടി വരും എന്ന് റിപ്പോർട്ടുകൾ. അടുത്ത മാസം നടക്കുന്ന ഇന്ത്യൻ പ്രീമിയർ ലീഗിൽ മുഹമ്മദ് ഷമി കളിക്കില്ല. പിറകെ വരുന്ന ടി20 ലോകകപ്പും ഷമിക്ക് നഷ്ടമാകും.
ഇപ്പോൾ നടക്കുന്ന ഇംഗ്ലണ്ടിനെതിരായ ടെസ്റ്റ് പരമ്പരയുടെ ഭാഗമല്ലാത്ത ഷമി ലോകകപ്പ് ഫൈനലിന് ശേഷം ക്രിക്കറ്റ് കളിച്ചിട്ടില്ല. ശസ്ത്രക്രിയ ഇല്ലാതെ പരിക്ക് മാറും എന്നാണ് പ്രതീക്ഷിച്ചിരുന്നത് എങ്കിലും ആ പ്രതീക്ഷ അവസാനിച്ചതോ ശസ്ത്രക്രിയ നടത്താൻ തീരുമാനിക്കുകയായിരുന്നു. ശസ്ത്രക്രിയയ്ക്കായി അദ്ദേഹം ഉടൻ യുകെയിലേക്ക് പോകും.
24 വിക്കറ്റുമായി ലോകകപ്പിൽ ഗംഭീര പ്രകടനം നടത്താൻ ഷമിക്ക് ആയിരുന്നു. പരിക്കുമായായിരുന്നു ലോകകപ്പിൽ ഷമി കളിച്ചത്.