പുറത്തിനേറ്റ പരിക്ക് കാരണം ബംഗ്ലാദേശ് പേസര് മൊഹമ്മദ് സൈഫുദ്ദീന് വെസ്റ്റിന്ഡീസിനെതിരെ വരാനിരിക്കുന്ന വൈറ്റ് ബോള് സീരീസിൽ പങ്കെടുക്കില്ല. താരത്തിന് പകരം ടി20യിൽ ടാസ്കിന് അഹമ്മദിനെയും ഏകദിനത്തിൽ എബോദത്ത് ഹൊസൈനെയും പകരക്കാരായി പ്രഖ്യാപിച്ചിട്ടുണ്ട്.
ബംഗ്ലാദേശിന്റെ മെഡിക്കൽ ബോര്ഡ് ആണ് താരത്തിന് പരമ്പരയിൽ കളിക്കാനാകില്ലെന്ന വിവരം സെലക്ഷന് പാനലിനെ അറിയിച്ചത്. താരത്തിന് പത്ത് ദിവസം മുമ്പാണ് പുറംവേദന വരുന്നത്. പിന്നീട് ഇഞ്ചക്ഷന് എടുത്തുവെങ്കിലും താരം ജൂൺ 21ന് പ്രതീക്ഷിച്ച പോലെ സുഖം പ്രാപിക്കാതിരുന്നതിനാൽ ബൗളിംഗ് പുനഃരാരംഭിക്കുവാന് സാധിക്കാതെ വന്നതോടെ താരം പരമ്പരയിൽ നിന്ന് പുറത്താകുകയായിരുന്നു.