മേജർ ലീഗ് ക്രിക്കറ്റ് 2024 സീസണിന് മുന്നോടിയായി ലോസ് ഏഞ്ചൽസ് നൈറ്റ് റൈഡേഴ്സ് ദക്ഷിണാഫ്രിക്കൻ ബാറ്റിംഗ് താരം ഡേവിഡ് മില്ലറെ സ്വന്തമാക്കി. ആദ്യ സീസണിൽ ടെക്സാസ് സൂപ്പർ കിംഗ്സിനായായിരുന്നു മില്ലർ കളിച്ചിരുന്നത്. ടി20യിൽ 138.37 എന്ന സ്ട്രൈക്ക് റേറ്റിൽ 10,000-ത്തിലധികം റൺസ് നേടിയിട്ടുള്ള താരമാണ് മില്ലർ.
സുനിൽ നരെയ്ൻ, ആന്ദ്രെ റസ്സൽ, ജേസൺ റോയ്, ആദം സാംപ, സ്പെൻസർ ജോൺസൺ എന്നിവരടങ്ങുന്ന വലിയ ടീമായ ലോസ് ഏഞ്ചൽ നൈറ്റ് റൈഡേഴ്സിന് മില്ലറിന്റെ വരവ് കൂടുതൽ ശക്തി പകരും. നരെയ്ൻ്റെ ക്യാപ്റ്റൻസിക്ക് കീഴിൽ ഉദ്ഘാടന എംഎൽസി സീസണിൽ ഈ ടീമിന് അത്ര നല്ല പ്രകടനം കാഴ്ചവെക്കാൻ ആയിരുന്നില്ല.