കിംഗ്സ്റ്റണിലെ രണ്ടാം ടെസ്റ്റില് 354 റണ്സില് അവസാനിച്ച് വിന്ഡീസ് ഒന്നാം ഇന്നിംഗ്സ്. ക്രെയിഗ് ബ്രാത്വൈറ്റ്, ഷിമ്രണ് ഹെറ്റ്മ്യര് കൂട്ടുകെട്ടിന്റെ ബാറ്റിംഗ് പ്രകടനത്തിനു ശേഷം രണ്ടാം ദിവസം മത്സരം പുനരാരംഭിച്ചപ്പോള് വിന്ഡീസിന്റെ ശേഷിക്കുന്ന ബാറ്റിംഗ് നിര തകരുകയായിരുന്നു. ഒന്നാം ദിവസം 295/4 എന്ന നിലയില് അവസാനിപ്പിച്ച വിന്ഡീസിനു രണ്ടാം ദിവസം മൂന്നാം ഓവറില് തന്നെ ഷിമ്രണ് ഹെറ്റ്മ്യറിനെ നഷ്ടമായി. തുടരെ അഞ്ച് വിക്കറ്റുകള് നഷ്ടമായ ആതിഥേയര്ക്ക് ഇതിനിടെ 24 റണ്സ് മാത്രമാണ് നേടാനായത്.
അവസാന വിക്കറ്റില് ജേസണ് ഹോള്ഡര് ഷാനണ് ഗബ്രിയേല് കൂട്ടുകെട്ട് നേടിയ 35 റണ്സ് കൂട്ടുകെട്ടാണ് രണ്ടാം ദിവസം വിന്ഡീസിനു ആശ്വസിക്കാന് വക നല്കിയ പ്രകടനം. ഗബ്രിയേല് 12 റണ്സ് നേടി പുറത്തായപ്പോള് ജേസണ് ഹോള്ഡര് 33 റണ്സുമായി പുറത്താകാതെ നിന്നു.
ക്രെയിഗ് ബ്രാത്വൈറ്റ് 110 റണ്സ് നേടിയപ്പോള് ഷിമ്രണ് ഹെറ്റ്മ്യര് 86 റണ്സ് നേടി പുറത്തായി. ബംഗ്ലാദേശിനായി മെഹ്ദി ഹസന് അഞ്ചും അബു ജയേദ് മൂന്നും തൈജുല് ഇസ്ലാം രണ്ടും വിക്കറ്റും നേടി.
കൂടുതൽ കായിക വാർത്തകൾക്ക് : www.facebook.com/FanportOfficial
