ഓസീസ് ക്യാപ്റ്റൻ മെഗ് ലാന്നിംഗ് വനിതാ ആഷസിന് ഉണ്ടാകില്ല. ‘മെഡിക്കൽ പ്രശ്നം’ കാരണം ലാന്നിംഗിനെ ടീമിൽ നിന്ന് പിൻവലിച്ചതായി ക്രിക്കറ്റ് ഓസ്ട്രേലിയ അറിയിച്ചു. ഓസ്ട്രേലിയൻ ടീമിനൊപ്പം പ്രവർത്തിക്കുന്ന മെഡിക്കൽ സ്റ്റാഫ് താരംവീട്ടിൽ തുടരും എന്നും അവർ അറിയിച്ചു.
മെഗ് ലാന്നിംഗിന്റെ അഭാവത്തിൽ ആഷസ് സീരീസിനുള്ള വനിതാ ടീമിനെ അലീസ ഹീലി നയിക്കും. താലിയ മഗ്രാത്ത് ആകും വൈസ് ക്യാപ്റ്റൻ. വനിതാ ആഷസ് ജൂൺ 22ന് ആരംഭിക്കും. നോട്ടിംഗ്ഹാമിൽ ആകും മത്സരം നടക്കുക. ഇത് കഴിഞ്ഞ് ഓസ്ട്രേലിയയും ഇംഗ്ലണ്ടും മൂന്ന് ടി20യും മൂന്ന് ഏകദിനങ്ങളും കളിക്കും.
ലാനിംഗ് കഴിഞ്ഞ വർഷം അവസാനം മാനസികാരോഗ്യത്തിന് വിശ്രമം എടുത്തിരുന്നു. 2023 ജനുവരിയിൽ ദേശീയ ടീമിൽ തിരിച്ചെത്തിയ മെഗ് ലാന്നിംഗ് ഫെബ്രുവരിയിൽ ഓസ്ട്രേലിയയെ അവരുടെ ഐസിസി വനിതാ ടി20 ലോകകപ്പ് വിജയത്തിലേക്ക് നയിക്കുകയും ചെയ്തു.