തങ്ങളുടെ പുതിയ കോച്ചിനായുള്ള ശ്രമങ്ങള്ക്ക് വേണ്ടത്ര പ്രതികരണം ലഭിക്കാതത്തിനാല് അപേക്ഷിക്കുവാനുള്ള തീയ്യതി മൂന്ന് ദിവസം കൂടി നീട്ടി മുംബൈ ക്രിക്കറ്റ് അസോസ്സിയേഷന്. ഇതുവരെ ആറ് അപേക്ഷകള് മാത്രമാണ് മുംബൈയുടെ പുതിയ കോച്ചിനു വേണ്ടി ലഭിച്ചിട്ടുള്ളതെന്നാണ് അറിയുന്നത്. അസോസ്സിയേഷന്റെ ക്രിക്കറ്റ് ഇംപ്രൂവ്മെന്റ് കമ്മിറ്റിയാണ്(സിഐസി) ഈ തീരുമാനം കൈക്കൊണ്ടത്.
ജൂലൈ ആറായിരുന്നു ഇതിനു മുമ്പുള്ള അവസാന തീയ്യതിയെങ്കിലും അത് പിന്നീട് ജൂലൈ 9 വരെ നീട്ടുകയായിരുന്നു. ജൂലൈ 11നു സിഐസി യോഗം കൂടി അഭിമുഖങ്ങള് ക്രമീകരിക്കുമെന്നാണ് അറിയുന്നത്.
നിലവില് റോമേഷ് പവാര്, അജയ് രത്ര, വിനായക് സമന്ത്, പ്രീതം ഗാന്ധേ, വിനോദ് രാഘവന്, നന്ദന് ഫഡാനിസ് എന്നിവരാണ് മുംബൈ കോച്ച് പദവിയ്ക്കായി അപേക്ഷിച്ചിട്ടുള്ളത്.
കൂടുതൽ കായിക വാർത്തകൾക്ക് : www.facebook.com/FanportOfficial
