പാറ്റ് കമ്മിന്സിനു വിശ്രമം നല്കുവാന് ഓസ്ട്രേലിയ നിശ്ചയിച്ചതോടെ ശേഷിക്കുന്ന രണ്ട് ഏകദിനങ്ങളില് പാക്കിസ്ഥാനെ കശക്കിയെറിയുവാനുള്ള ദൗത്യം വന്നെത്തിയിരിക്കുന്നത് നഥാന് കോള്ട്ടര്-നൈല്, ജേസണ് ബെഹ്രെന്ഡോര്ഫ്, കെയിന് റിച്ചാര്ഡ്സണ് എന്നീ ബൗളര്മാര്ക്കുമേലാണ്. ഇവരില് തിളങ്ങുന്നവര്ക്ക് ലോകകപ്പിനു സാധ്യതയുണ്ടെന്നതും അടുത്ത രണ്ട് മത്സരങ്ങളിലെ ഇവരുടെ പ്രകടനങ്ങള് ഏറെ നിര്ണ്ണായകമാക്കി മാറ്റുന്നു.
പാറ്റ് കമ്മിന്സിനൊപ്പം മിച്ചല് സ്റ്റാര്ക്കും ജോഷ് ഹാസല്വുഡും ലോകകപ്പിനു യോഗ്യത നേടുമെന്ന് ഏറെക്കുറെ ഉറപ്പാണ്. സ്റ്റാര്ക്കും ഹാസല്വുഡും പരിക്ക് മൂലം ഓസ്ട്രേലിയയുടെ പാക്കിസ്ഥാന് പരമ്പരയില് നിന്ന് വിട്ട് നില്ക്കുകയായിരുന്നു.