വിരാട് കോഹ്ലിയെ പ്രശംസിച്ച് ഇന്ത്യൻ ഫാസ്റ്റ് ബൗളർ മുഹമ്മദ് ഷമി. ആധുനിക യുഗത്തിലെ ഏത് ക്രിക്കറ്റ് ഫോർമാറ്റിലെയും ഏറ്റവും മികച്ച ബാറ്ററാണ് കോഹ്ലി എന്ന് മുഹമ്മദ് ഷമി പറഞ്ഞു. ഇന്നത്തെ തലമുറക്ക് എല്ലാ തലത്തിലും മാതൃകയാക്കവുന്ന താരമാണ് കോഹ്ലി എന്നും ഷമി പറഞ്ഞു.
“ഇന്നത്തെ തലമുറയ്ക്ക് എല്ലാം തികഞ്ഞ ഒരു മാതൃക ആണ് കോഹ്ലി, ഫിറ്റ്നസ്,സ്കിൽ, ഹാർഡ് വർക്ക് അങ്ങനെ നിങ്ങൾ നോക്കുന്ന ഓരോ കാര്യത്തിലും കോഹ്ലി വലിയ മാതൃകയാണ്. . അദ്ദേഹത്തിന് എല്ലാം ഉണ്ട്. യുവാക്കൾക്ക് അവരുടെ റോൾ മോഡൽ ആക്കാൻ പറ്റുന്ന താരമാണ് കോഹ്ലി” ഷമി പറഞ്ഞു.
“അവൻ തൻ്റെ പ്ലാനുകൾ വളരെ വ്യക്തമായി സൂക്ഷിക്കുന്നു, അത് ഫിറ്റ്നസായാലും, ബാറ്റിംഗായാലും, നിങ്ങൾ അദ്ദേഹത്തിന് ബൗളിംഗ് നൽകിയാലും,അവൻ തന്റെ എല്ലാം നൽകും. എപ്പോൾ തിരിച്ചെത്തിയാലും താൻ ആരാണെന്ന് കാണിക്കാനും കോഹ്ലിക്ക് അറിയാം’- ഷമി പറഞ്ഞു