രഞ്ജി ട്രോഫിയിൽ കേരളം ആദ്യ ഇന്നിങ്സ് ലീഡിലേക്ക് മുന്നേറുന്നു. ഛത്തീസ്ഗഢ് ഉയർത്തിയ 149 പിന്തുടർന്ന കേരളം ഇപ്പോൾ 100/2 എന്ന നിലയിൽ ആണ്. ഇനി 50 റൺസ് കൂടെ മതി ലീഡ് നേടാൻ. 29 റൺസ് എടുത്ത രോഹൻ പ്രേമും 11 റൺസ് എടുത്ത സച്ചിൻ ബേബിയും ആണ് ക്രീസിൽ ഉള്ളത്. 24 റൺസ് എടുത്ത രാഹുൽ പിയുടെയും 31 റൺസ് എടുത്ത രോഹൻ കുന്നുമ്മലിന്റെയും വിക്കറ്റ് ആണ് കേരളത്തിന് നഷ്ടമായത്
ഇന്ന് കേരളം ആദ്യ ഇന്നിങ്സിൽ എതിരാളികളെ വെറും 149 റൺസിന് ഓൾ ഔട്ട് ആക്കി. ജലജ് സക്സേനയുടെ ഗംഭീര ബൗളിംഗ് ആണ് കേരളത്തിന് തുണയായത്. സക്സേന 48 റൺസ് മാത്രം വഴങ്ങി 5 വിക്കറ്റുകൾ ഇന്ന് വീഴ്ത്തി.
വൈശാഖ് ചന്ദ്രൻ, ബേസിൽ തമ്പി എന്നിവർ രണ്ട് വിക്കറ്റ് വീതവും വീഴ്ത്തി. ബേസിൽ എൻ പി കേരളത്തിനായി ഒരു വിക്കറ്റും നേടി. നാല്പത് റൺസ് എടുത്ത ഹർപ്രീത് സിംഗ് ആണ് ഛത്തീസ്ഗഢിന്റെ ടോപ് സ്കോറർ ആയത്.