വിന്ഡീസിനെതിരെ പൊരുതി നേടിയ അര്ദ്ധ ശതകവുമായി റോറി ബേണ്സ്. ഉച്ച ഭക്ഷണത്തിന് പിരിയുമ്പോള് 66/2 എന്ന നിലയിലായിരുന്ന ഇംഗ്ലണ്ടിന് രണ്ടാം സെഷന് ആരംഭിച്ചപ്പോള് ബെന് സ്റ്റോക്സും റോറി ബേണ്സും ചേര്ന്ന് മുന്നോട്ട് നയിക്കുകയായിരുന്നു.
മൂന്നാം വിക്കറ്റില് 45 റണ്സ് കൂട്ടുകെട്ടുമായി മുന്നോട്ട് കുതിയ്ക്കുകയായിരുന്ന കൂട്ടുകെട്ടിനെ കെമര് റോച്ച് ആണ് തകര്ത്തത്. 20 റണ്സ് നേടിയ ബെന് സ്റ്റോക്സിന്റെ വിക്കറ്റാണ് റോച്ച് വീഴ്ത്തിയത്. നേരത്തെ ആദ്യ ഓവറില് തന്നെ ഓപ്പണര് ഡൊമിനിക് സിബ്ലേയെ റോച്ച് വീഴ്ത്തിയിരുന്നു.
അധികം വൈകാതെ റോറി ബേണ്സ് തന്റെ അര്ദ്ധ ശതകം നേടുകയായിരുന്നു. 41 ഓവറുകള് പിന്നിടുമ്പോള് ഇംഗ്ലണ്ട് 104 റണ്സാണ് നേടിയിട്ടുള്ളത്.