ഇന്ത്യന് ഓള്റൗണ്ടര് ജയന്ത് യാദവുമായി കരാറിലെത്തി മിഡിൽസെക്സ്. സീസണിലെ അവസാന നാല് മത്സരങ്ങളിലേക്കാണ് ഇന്ത്യന് താരത്തിന്റെ സേവനം ടീം കരസ്ഥമാക്കിയിരിക്കുന്നത്. കഴിഞ്ഞ സീസണിൽ വാര്വിക്ക്ഷയറിന് വേണ്ടി രണ്ട് മത്സരങ്ങളിൽ കളിച്ച താരത്തിന്റെ രണ്ടാമത്തെ കൗണ്ടി സീസൺ ആണ് ഇത്.
ദക്ഷിണാഫ്രിക്കന് താരം പീറ്റര് മലന് നാട്ടിലേക്ക് മടങ്ങിയതിന് ശേഷമാണ് ഇന്ത്യന് താരത്തിനെ കൗണ്ടി ക്ലബ് ടീമിലേക്ക് എത്തിക്കുന്നത്. കഴിഞ്ഞ വര്ഷത്തെ കൗണ്ടി ക്രിക്കറ്റ് തനിക്ക് മികച്ച അനുഭവമായിരുന്നുവെന്നും അതിനാൽ തന്നെ ഈ സീസണും ആകാംക്ഷയോടെയാണ് താന് ഉറ്റുനോക്കുന്നതെന്നും മിഡിൽസെക്സുമായി കരാറിലെത്തിയതിനെക്കുറിച്ച് ജയന്ത് യാദവ് പ്രതികരണമായി പറഞ്ഞു.