അന്താരാഷ്ട്ര ക്രിക്കറ്റ് കൗൺസിലിൻ്റെ (ഐസിസി) അടുത്ത ചെയർമാനാകാൻ ജയ് ഷാ ശ്രമിക്കും എന്ന് റിപ്പോർട്ട്. ഇപ്പോൾ ബി സി സി ഐ സെക്രട്ടറി ആയ ജയ് ഷാ ആ സ്ഥാനം ഒഴിഞ്ഞ് ഐ സി സി ചെയർമാൻ സ്ഥാനത്തിനായി മത്സരിക്കും എന്നാണ് ദേശീയ മാധ്യമങ്ങൾ റിപ്പോർട്ട് ചെയ്യുന്നത്. ഐ സി സി ചെയർമാൻ തിരഞ്ഞെടുപ്പ് ഈ വർഷം നവംബറിൽ നടക്കും. നിലവ ഗ്രെഗ് ബാർക്ലേ ആണ് ചെയർമാൻ. അവസാന നാല് വർഷമായി അദ്ദേഹമാണ് ആ സ്ഥാനം വഹിക്കുന്നത്.
ജയ് ഷാ ഐ സി സി ചെയർമാൻ ആവുകയാണെങ്കിൽ ഏറ്റവും പ്രായം കുറഞ്ഞ ഐ സി സി ചെയർമാനായി അദ്ദേഹം മാറും. ഐസിസി വാർഷിക സമ്മേളനം ജൂലൈയിൽ കൊളംബോയിൽ നടക്കാൻ ഇരിക്കുകയാണ്. ഈ സമ്മേളനത്തിൽ തിരഞ്ഞെടുപ്പിനെ കുറിച്ച് കൂടുതൽ വ്യക്തത വരും.
2015ൽ ബിസിസിഐയുടെ ഭാഗമാറ്റ ജയ് ഷാ 2019 സെപ്റ്റംബറിൽ ബി സി സി ഐ സെക്രട്ടറിയായി തിരഞ്ഞെടുക്കപ്പെട്ടിരുന്നു.