ജയ്സ്വാൾ ആക്രമിച്ചു കളിച്ചത് ബാസ്ബോൾ കണ്ടിട്ടാണ് എന്നുള്ള ഇംഗ്ലണ്ട് താരം ബെൻ ഡക്കറ്റിന്റെ വാക്കുകളെ വിമർശിച്ച് നാസർ ഹുസൈൻ. “എതിരാളികൾ ഇങ്ങനെ ആക്രമിച്ചു കളിക്കുന്നത് കാണുമ്പോൾ, അതിന്റെ ക്രെഡിറ്റ് ഞങ്ങൾക്ക് എടുക്കണമെന്ന് തോന്നുന്നു,” എന്നായിരുന്നു ഡക്കറ്റ് ജയ്സ്വാളിന്റെ സെഞ്ച്വറിയെ കുറിച്ച് പറഞ്ഞത്.
മുൻ ഇംഗ്ലണ്ട് ക്യാപ്റ്റൻ നാസർ ഹുസൈൻ ഇംഗ്ലണ്ട് താരത്തിൻ്റെ ഈ അഭിപ്രായത്തെ എതിർത്തു. “ജയ്സ്വാളിനെ കുറിച്ചുള്ള ഡക്കറ്റിന്റെ കമൻ്റ് ഞാൻ കേട്ടു, അവൻ നിങ്ങളിൽ നിന്ന് പഠിച്ചിട്ടില്ല, അവൻ ആക്രമിച്ചു കളിക്കാൻ പഠിച്ചത് അവൻ ക്രിക്കറ്റിലേക്ക് വന്ന വഴികളിൽ നിന്നാണ്, ഐപിഎല്ലിൽ നിന്നാണ് അവൻ ആക്രമിച്ചു കളിക്കാൻ പഠിച്ചത്” ഹുസൈൻ സ്കൈ സ്പോർട്സ് പോഡ്കാസ്റ്റിൽ മൈക്കൽ ആതർട്ടനോട് പറഞ്ഞു.