രവീന്ദ്ര ജഡേജക്ക് രണ്ടാം ടെസ്റ്റ് മാത്രമല്ല ഈ പരമ്പരയാകെ നഷ്ടമാകും എന്ന് റിപ്പോർട്ടുകൾ. ഇന്ത്യയുടെ പ്രധാന ഓൾറൗണ്ടർ ആയ ജഡേജ ഇപ്പോൾ എൻ സി എയിൽ ചികിത്സയിലാണ്. ആദ്യ ടെസ്റ്റിന്റെ രണ്ടാം ഇന്നിങ്സിൽ ബാറ്റു ചെയ്യുന്നതിന് ഇടയിൽ ജഡേജയ്ക്ക് ഹാംസ്ട്രിംഗ് ഇഞ്ച്വറിയേറ്റിരുന്നു. രണ്ടാം ടെസ്റ്റിൽ ജഡേജയും രാഹുലും ഉണ്ടാകില്ല എന്ന് ബി സി സി ഐ അറിയിച്ചിരുന്നു.
ജഡേജക്ക് പരമ്പര ആകെ നഷ്ടമായാൽ ഇന്ത്യക്ക് അത് വലിയ തിരിച്ചടിയാകും. ഇപ്പോൾ വാഷിങ്ടൻ സുന്ദറിനെ ഇന്ത്യ സ്ക്വാഡിൽ ഉൾപ്പെടുത്തിയിട്ടുണ്ട് എങ്കിലും ഇന്ത്യ ജഡേജയ്ക്ക് പകരം ഒരു സ്പെഷ്യലിസ്റ്റ് സ്പിന്നറെ കളിപ്പിക്കാൻ ആണ് സാധ്യത.
87 റൺസുമായി ഇന്ത്യയുടെ ആദ്യ ഇന്നിംഗ്സിലെ ടോപ് സ്കോററായിരുന്നു ജഡേജ. ഒപ്പം രണ്ട് ഇന്നിംഗ്സുകളിലായി അഞ്ച് വിക്കറ്റ് വീഴ്ത്തുകയും ചെയ്തു. ജഡേജക്ക് കൂടുതൽ മത്സരങ്ങൾ നഷ്ടമാകും എങ്കിലും രാഹുൽ മൂന്നാം ടെസ്റ്റിലേക്ക് മടങ്ങിയെത്തും.